18-sentabr kuni Toshkent shahrida O‘zbekiston Respublikasi investitsiyalar, sanoat va savdo vaziri Laziz Kudratov hamda Suriya Arab Respublikasi iqtisodiyot va sanoat vaziri Muhammad Nidal ash-Shaar o‘rtasida muzokaralar bo‘lib o‘tdi, deb xabar qilmoqda ISSV matbuot xizmati.
Uchrashuvning muhim yakuni Qo‘shma iqtisodiy va savdo qo‘mitasini tashkil etish to‘g‘risidagi Memorandumning imzolanishi bo‘ldi. Erishilgan kelishuvlarni amalga oshirish maqsadida 2026–2028-yillarga mo‘ljallangan Yo‘l xaritasini ishlab chiqish belgilandi.
Bundan tashqari, O‘zbekiston–Suriya ishbilarmonlar kengashini rasman ishga tushirish tashabbusi ilgari surildi. Yangi tashabbuslarning amaliy muhokamasi ikki mamlakat tadbirkorlari ishtirokidagi biznes-forum doirasida davom ettiriladi.
+998 78 150-150-6
info@sverenins.uz