Scope Investment kompaniyasi O‘zbekistonda «aqlli shahar» texnologiyalarini joriy etishdan manfaatdor. Bu haqda Axborot va kommunikatsiyalarni rivojlantirish vazirligi matbuot xizmati xabar berdi.
16-sentabr kuni vazirlik vazirining birinchi o‘rinbosari Oleg Pekos BAA firmasi delegatsiyasi bilan uchrashdi. Tomonlar shahar boshqaruvi tizimlarini takomillashtirish bo‘yicha kompaniyaning texnologik yechimlarini tatbiq etish imkoniyatlarini muhokama qildilar.
Kompaniya hozirda O‘zbekistonning yirik shaharlarini aqlli qilish uchun muhim sohalarga sarmoya kiritish imkoniyatlarini o‘rganmoqda. Investorlar AQSh va Yevropa Ittifoqida sertifikatlangan xizmatlarni Toshkent, Samarqand va Buxoroda joriy etishga tayyor ekanliklarini bildirdilar.
Xususan, Scope Investment yo‘l harakatini yanada samarali boshqarish uchun aqlli svetoforlarni o‘rnatishni taklif qildi.
Oleg Pekos Axborot va kommunikatsiyalar vazirligi qo‘mitasi nomidan kompaniyani zarur infratuzilma bilan ta’minlashga tayyorligini bildirdi.
+998 78 150-150-6
info@sverenins.uz
Biz bilan boglaning